ድሬዳዋ ዩኒቨርሲቲ የተማሪዎችን የሥራ ዓለም ዝግጁነት የሚያሳድግ የሙያ ማሻሻያ ማዕከል አቋቋመ

ድሬዳዋ ዩኒቨርሲቲ የተማሪዎችን የሥራ ዓለም ዝግጁነት የሚያሳድግ የሙያ ማሻሻያ ማዕከል አቋቋመ

• ወቅታዊ መረጃ
• April 06, 2026

የድሬዳዋ ዩኒቨርሲቲ ተማሪዎች በትምህርት ቆይታቸው ያገኙትን ዕውቀት በተግባራዊ ክህሎት እንዲያበለጽጉ የሚያስችል "የተማሪዎች ሙያ ማሻሻያ ማዕከል" አቋቁሞ ሥራ አስጀመረ።

ማዕከሉ በዋነኝነት ተማሪዎች ከዩኒቨርሲቲው ሲመረቁ በሥራው ዓለም ተወዳዳሪና ብቁ ሆነው እንዲገኙ አስፈላጊ የሆኑ መሠረታዊ ክህሎቶችን ለማስጨበጥ ያለመ እንደሆነ ተገልጿል። በተለይም አዳዲስ ተመራቂዎች ወደ ሥራው ዓለም ሲቀላቀሉ የሚገጥማቸውን የክህሎት ክፍተት ለመሙላት በቋሚነት አጫጭር ሥልጠናዎችን እንደሚሰጥ ታውቋል።

ከሥልጠናዎች ባለፈም ማዕከሉ ተመራቂ ተማሪዎች፦

• በተለያዩ ሥራ ነክ ጉዳዮች ላይ የማማከር አገልግሎት እንዲያገኙ፣

• ለሥራ ቅጥር አስፈላጊ የሆኑ ግብዓቶችን (ለምሳሌ ሲቪ አጻጻፍ እና የቃለ መጠይቅ ዝግጅት) እንዲያደራጁ እገዛ ያደርጋል።

በምርቃት ሥነ-ሥርዓቱ ላይ እንደተገለጸው፣ ተማሪዎች ያላቸውን የተለየ ተሰጥዖ ለይቶ የሚያውቅና የሚደግፍ ተቋም ባለመኖሩ ምክንያት አገሪቱ ከዜጎቿ ማግኘት የሚገባትን ጥቅም እንዳታገኝ እንቅፋት ሆኖ ቆይቷል። ይህ አዲስ ማዕከልም ይህንን ክፍተት በመቅረፍ ባለ ልዩ ተሰጥዖ ተማሪዎች አቅማቸውን እንዲጠቀሙ ምቹ ሁኔታን ይፈጥራል ተብሏል።

አስፈላጊ ግብዓቶች የተሟሉለት ይህ ማዕከል፣ በሂደት ራሱን ይበልጥ እያሰፋና እያደራጀ እንደሚሄድ ተመላክቷል። ማዕከሉን የድሬዳዋ ዩኒቨርሲቲ ፕሬዝዳንት ዶ/ር ኡባህ አደም እና የዩኒቨርሲቲው ከፍተኛ አመራሮች መርቀው የከፈቱት ሲሆን፣ ተማሪዎችና ጥሪ የተደረገላቸው እንግዶችም በሥነ-ሥርዓቱ ላይ ታድመዋል።