Logo
School of Graduate Studies
Team Photo

School of Graduate Studies


ድሬዳዋ ዩኒቨርሲቲ

ድህረ - ምረቃ ትምህረት ቤት

በሀገራችን ያሉ ከፍተኛ የትምህርት ተቋማት በሕግ ከተሰጣቸዉ ዋና ዋና ተልዕኮች መካከል የሰለጠነ የሰዉ ኃይል በብዛትና በጥራት በማቅረብ በሀገራችን ሁለንተናዊ ዕድገት ወሳኝና አወንታዊ ሚና መጫዎት ነው:: የድሬዳዋ ዩኒቨርሲቲም ከተቋቋመበት 1999 . ጀምሮ በአገሪቱ እየተካሄደ ያለዉን የልማት እንቅስቃሴ ለመደገፍ ተገቢዉን እዉቀት፣ ክህሎት እና አመለካከት የጨበጡ ምሩቃንን በማስመረቅ ወሳኝ የሆነውን የሰለጠነ የሰው ሀይል በማቅረብ” ለአገራችን የህዳሴ ጉዞ የራሱን አስተዋፅኦ እያበረከተ ይገኛል፡፡

በዚሁ መሰረት በአስራ አራቱ አመታት ጉዞዉ ዩኒቨርስትያችን በድህረ - ምረቃ ያስመረቃቸዉ ተማሪዎች ለሀገሪቱ ልማት ጉልህ አስተዋፅኦ እንደሚያደርጉ ይገመታል:: በአስር አመቱ እቅድ እንደተመላከተዉ “ድሬዳዋ ዩኒቨርሲቲ በ 2030 (እ.ኤ.አ) 2030 ከአፍሪካ ምርጥ 10 የአፕላይድ ዩኒቨርሲቲዎች አንዱ ሆኖ ማየት ነዉ:: ይህንንም ራዕይ ላማሳካት በእቅዱ የተዘረዘሩትን ስትራቴጂዎች መተግበር እንደተጠበቀ ሆኖ የድህረ - ምረቃ ትምህረትን ማስፋፋት በትምህረትና በምርምር ልህቀትን ለመጎናፀፍ ለምናደርገዉ እርብርብ ወሳኝ ሚና ይጫወታል:: 

የድሬዳዋ ዩኒቨርሲቲ ድህረ - ምረቃ ት/ት ቤት እንደ አንድ አካዳምቅ ዘርፍ  ተመስርቶ ሥራ ከጀመረ ዘጠኝ አመት ሆኖታል::  በዚህ የዘጠኝ አመት ጉዞዉ ት/ቤቱ በሚያስተምራቸዉ ከ20 በላይ ፕሮግራሞቹ ከፍተኛ ቁጥር ያላቸዉን ተማሪዎች በማስመረቅና ወደ ኢኮኖሚዉና ልማት ዘርፉ የተማረ የሰዉ ሃይል በማሰማራት የራሱን አዎንታዊ ሚና እየተጫወተ ይገኛል::

የዩኒቨርሲቲውም ሆነ የት/ቤቱ ተልዕኮ፣ ራዕይና እሴቶች

1.2.1 ተልዕኮ /Mission/

ጥራቱን የጠበቀ ትምህርት በማስተማር፣ ፍላጎትን መሰረት ያደረጉ የጥናትና ምርምሮችን በማከናወን፤ ችግር ፈቺ የሆኑ የቴክኖሎጂ ውጤቶችን በማቅረብ እና የአካባቢዉን ማህበረሰብ ፍላጎት ማእከል ያደረጉ የማህበረሰብ አገልግሎቶችን በመስጠት የሃገሪቱን ኢኮኖሚያዊ፣ ፖለቲከዊ፣ እና ማህበራዊ ዕድገት የሚያግዙ ብቁ ዜጎችን ማፍራት ነው፡፡ 

1.2.3 ራዕይ /Vision/

ድሬደዋ ዩኒቨርሲቲ በ2030 ከአፍሪካ ምርጥ 10 የአፕላይድ ዩኒቨርሲቲዎች አንዱ ሆኖ ማየት

1.2.4 እሴቶች /Values/

የአካደሚክ ዘርፉ እሴቶች ጥራት ያላው ትምህርት መስጠት፤ ሞያዊ ብቃት (Professionalism) ማሳድግ፤ ታማኝነት (Integrity)፤ አገልጋይነት፤ ብዝሃነት እና መቻቻል ማመን እና ማህበራዊ ሃላፊነት መወጣት ናቸው፡፡

ከለላይ የተጠቀሱትን ተልዕኮ፣ ራዕይና እሴቶች ለማሳካት የድህረ-ምረቃ ት/ቤት የድሬዳዋ ዩኒቨርሲቲ በመደበኛዉና ተከታታይ መርሃ ግብር  በሚከተለት  የትምህርት  መስኮች ተማሪዎችን/ አመልካቾችን በየአመቱ እየተቀበለ በሁለተኛ ዲግሪ እያስተማረ ይገኛል፡፡

የመግቢያ መስፈርት

§  ከታወቀ ከፍተኛ ትምህርት ተቋም የመጀመሪያ ድግሪ ያላቸዉ

§  ዩኒቨርሲቲዉ የሚያዘጋጀዉን የመግቢያ ፈተና

§  አመልካቾች በመንግስት ተቋማት የሚማሩ ከሆነ ከሚሰሩበት መስሪያ ቤት የድጋፍ ደብዳቤ ማቅረብ ይጠበቅባቸዋል

§  ሪኮመንዴሽን ደብዳቤ የሚያቀርቡ

§  ሌሎች በዩኒቨርሲቲዉ የተቀመጡ መስፈርቶችን የሚያሟለ::

§  ለበለጠ መረጃ የዩኒቨርሲቲውን ድህረ-ገጽ www.ddu.edu.et ይመልከቱ::

3 የመግቢያ ፈተና

·         ሁለም አዲስ አመልካቾች የመግቢያ ፈተና በድሬዳዋ ዩኒቨርሲቲ ግቢ ዉስጥ ይሰጣል፡፡

·         አመልካቾች      መግቢያ ፈተና በሚመጡበት ወቅት           ሕጋዊ     መታወቂያ መያዝ ይጠበቅባቸዋል::

5. የምዝገባ ጊዜ

·         በአጠቃላይ ነባር እና አዲስ ገቢ ድህረ-ምረቃ ተማሪዎች የምዝገባ  ጊዜ በዩኒቨርሲቲውን ድህረ-ገጽ www.ddu.edu.et  ፌስ ቡክ እና በዉስጥ ማስታወቂያ የሚገልፅ መሆኑን እናሳዉቃ ፡፡