ሙስናን መከላከል ላይ ትኩረት አድርጎ ሲሰጥ የነበረው ስልጠና ተጠናቀቀ፡፡

ሙስናን መከላከል ላይ ትኩረት አድርጎ ሲሰጥ የነበረው ስልጠና ተጠናቀቀ፡፡

• ወቅታዊ መረጃ
• December 19, 2023

በድሬዳዋ ዩኒቨርሲቲ በምስራቁ የአገራችን ክፍል ከሚገኙ የተለያዩ ዩኒቨርሲቲዎች ለተውጣጡ የትምህርት አመራሮች እና በየደረጃው ለሚገኙ የአስተዳደር ሠራተኞ ሙስናንና ብልሹ አሰራርን መከላከል ላይ ትኩረት አድርጎ ለሁለት ቀን የቆየ ስልጠና ተሰጥቷል፡፡

የፌደራል ስነ-ምግባርንና ፀረሙስና  ኮሚሽን ከኢ.ፌ.ዴ.ሪ ትምህርት ሚኒስቴር ጋር በትብብር ያዘጋጁትን የስልጠና መድረክ በንግግር የከፈቱት የድሬዳዋ ዩኒቨርሲቲ ፕሬዝዳንት ዶ/ር ኡባህ አደም የከፍተኛ የትምህርት ተቋማት በከፍተኛ በጀት ግዢ የሚፈፅሙ እንደመሆናቸው በዚሁ ወቅት በሙስና ሳቢያ የአገር ሃብት እንዳይመዘበር ከፍተኛ ጥንቃቄ ማድረግ ይገባቸዋል፡፡

በተለይም ግዢ በሚፈፅም ጊዜ የመንግስት ደንብና መመሪያ በሚያዘው መሠረት ብቻ ግዢ እንዲፈፀም  ሙስናንና ብልሹ አሰራርን ከመከሰቱ አሰቀድሞ መከላከል እንደሚገባ አስገንዝበዋል፡፡

ለዚህ ደግሞ በየደረጃው የሚገኘው የትምህርት አመራር የአስተዳደር ሠራተኛ ሙስናን በመከላከል ረገድ በቂ ግንዛቤ ሊኖረው ይገባል ብልዋል፡፡

ለሁለት ቀን በቆየው ስልጠና ላይ የድሬዳዋ ዩኒቨርሲቲን ጨምሮ ከቀብሪዳህር ፣ ከጅግጅጋ ከሀረማያ እና ከኦዳቡልቱም ዩኒቨርሲቲ ለተውጣጡ ተሳታፊዎች  የግዢ ስርዕትና የስነ-ምግባር አመራርን አስመልክቶ ከፌደራል ፀረ-ሚስና ኮምሽን በመጡ አሰልጣኞች ስልጠና ተሰጥቷቸዋል፡፡