በድሬዳዋ ዩኒቨርሲቲ የተንቀሳቃሽ ኢግዚቢሽንና ሲንፖዚየም ተከፈተ

በድሬዳዋ ዩኒቨርሲቲ የተንቀሳቃሽ ኢግዚቢሽንና ሲንፖዚየም ተከፈተ

• ወቅታዊ መረጃ
• December 25, 2023

የኢትዮጵያ ቅርስ ባለስልጣን ከድሬዳዋ ዩኒቨርሲቲ ጋር በመተባበር " ኢትዮጵያ የሰው ዘር መገኛ " በሚል የተዘጋጀው ተንቀሳቃሽ ኢግዚቢሽንና ሲንፖዚየም ዛሬ በድሬዳዋ ዩኒቨርሲቲ ተከፍቷል፡፡

ይህንኑ አስመልክቶ የተዘጋጀውን ሲንፖዚየም የድሬደዋ ዩኒቨርሲቲ ፕሬዝዳንት ተወካይ ዶ/ር መገርሳ ቃሲም ሲከፍቱ እንዳሉት የዚህ አይነቱ ፕሮግራም በዩኒቨርሲቲው መዘጋጀቱ ተማሪዎች በአገራቸው ስለሚገኙ ቅርሶች እንዲያውቁም ብሎም በማስተዋወቁ እና በመንከባከቡ ረገድም የበኩላቸውን ድርሻ እንዲወጡ የሚያደርግ ነው ብለዋል፡፡

በኢትዮጵያ ቅርስ ባለስልጣን የሚዚየም ዘርፍ ም/ዳይሬክተር አቶ ኤልያስ ሽኩር በበኩላቸው በድሬዳዋና በአካባቢዋ ያሉትን ቅርሶች በማስተዋወቅና ለቅርሶቹ የሚሰጠው ትኩረት ከመጨመር አኳያ ድሬዳዋ ዩኒቨርሲቲ እያደረገያለው አስተዋፆኦ የሚበረታታና ተጠናክሮ መቀጠል አለበት ብለዋል፡፡

ከታህሳስ 12 እስከ ታህሳስ 16/2016 ዓ.ም ለተከታታይ 5 ቀን በሚቆየው የተንቀሳቃሽ ኢግዚቢሽን ላይ የሉሲ (ድንቅነሽ) ጨምሮ በተለያዩ ጊዜ በቁፋሮ የተገኙ ጥንታዊ ቅሪተ አካላት እንዲሁም ኢትዮጵያ በአለም አቀፍ ቅርስንት ያስመዘገበቻቸው የሚዳሰሱና የማይዳሰሱ ጥንታዊ ቅርሶች በፎቶ ተደግፈው  ለእይታ በመቅረብ እየተጎበኙ ይገኛሉ፡፡