የድሬዳዋ ዩኒቨርሲቲ ቴክኖሎጂ ኢንስቲትዩት ከኢትዮጵያ ኮንስትራክሽን ማኔጅመንት ኢንስቲትዩት ጋር...

የድሬዳዋ ዩኒቨርሲቲ ቴክኖሎጂ ኢንስቲትዩት ከኢትዮጵያ ኮንስትራክሽን ማኔጅመንት ኢንስቲትዩት ጋር...

• ወቅታዊ መረጃ
• December 09, 2021

በድሬዳዋ ዩኒቨርሲቲ ቴክኖሎጂ ኢንስቲትዩት እና በኮንስትራክሽን ማኔጅመንት ኢንስቲትዩት መካከል በሀገር ዓቀፍ ደረጃ በሚከናወነው የህንፃ ግንባታ ስራዎች የሰው ኃይልና የማሽነሪዎች ምርታማነት ጥናት ፕሮጀክት ላይ ተሳታፊ የሚያደርግ የሁለት ሚለዩን ብር የማማከር ስራ ውል ተፈረመ፡፡ 

የኢትዩጵያ ኮንስትራክሽን ማኔጅመንት ኢንስቲትዩት የሀገራችንን የኮንስትራክሽን ዘርፍ ለማዘመን እና ተወዳደሪ ለማድረግ የተቋቋመ ሲሆን በሀገራችን በህንፃ ግንባታ ስራዎች ላይ ከዋጋና የማጠናቀቂያ ጊዜ አወሳሰን ጋር በተያያዘ የሚታየውን ወጥነት የሌለው አሰራር በዘላቂነት ለመቅረፍ ከሚረዱ ግብዓቶች መካከል አንዱ የሆነውን የሰው ኃይልና የማሽነሪዎች ምርታማነት መረጃ እንደ ሀገር በሳይንሳዊ መንገድ ለማጥናት ተወዳድረው ካለፉት ሰባት ዩኒቨርሲቲዎች መካከል ዩኒቨርሲቲውን በመወከል የተሳተፈው የድሬዳዋ ዩኒቨርሲቲ ቴክኖሎጂ ኢንስቲትዩት ከኮንስትራክሽን ቴክኖሎጂና ማኔጅመንት ት/ክፍል ስምንት መምህራንና ሰላሳ የሚሆኑ ተማሪዎችን ተሳታፊ ያደረገ የጥናት ቡድን በማቋቋም በድሬዳዋና አካባቢዋ ጥናቱን በስድስት ወር ውስጥ ለማከናወን  ከኮንስትራክሽን ማኔጅመንት ኢንስቲትዩት ጋር ውል ተፈራርሟል፡፡

በፊርማ ስነ-ስርዓቱ ላይ የድሬዳዋ ዩኒቨርሲቲ ፕሬዝዳንት ዶ/ር ኡባህ አደም እንደገለጹት ችግር ፈች ስራዎችን ከባለድርሻ አካላት ጋር በመተባበር መዘጋጀቱ እጅግ ጠቃሚ እንደሚሆን በመግለፅ ለጥናት ቡድኑ የስራ መመሪያ ሰጥተዋል።

የኢንስቲትዩቱ ሳይንቲፊክ ዳይሬክተር የሆኑት ቴዎድሮስ ገደፋየ እንደገለጹት ተጨማሪ ችግር ፈች ፕሮጀክቶችን በተለያዩ ዘርፎች ለማከናወን ኢንስቲትዩቱ እቅዶ እየሰራ መሆኑን በመግለጽ ውጤታማ የሆነ የስራ ጊዜ እንዲሆን ከወዲሁ መዘጋጀት እንደሚገባ ተናግረዋል።