የኢትዮጵያ አርቲፊሻል ኢንተለጀንስ ኢንስቲትዩት እና ድሬዳዋ ዩኒቨርሲቲ በጋራ መስራት የሚያስችላቸውን የመግባቢያ ስምምነት ተፈራረሙ።

የኢትዮጵያ አርቲፊሻል ኢንተለጀንስ ኢንስቲትዩት እና ድሬዳዋ ዩኒቨርሲቲ በጋራ መስራት የሚያስችላቸውን የመግባቢያ ስምምነት ተፈራረሙ።

• ወቅታዊ መረጃ
• January 03, 2025

‎የመግባቢያ ስምምነት ሰነዱን የኢትዮጵያ አርቲፊሻል ኢንተለጀንስ ኢንስቲትዩት ዋና ዳይሬክተር ወርቁ ጋቸና (ዶ/ር) እና የዩኒቨርሲቲው ፕሬዝዳንት ኡባህ አደም (ዶ/ር) ተፈራርመዋል።

‎የስምምነት ሰነዱ በሁለቱ ተቋማት መካከል ትብብርን በማጠናከር የጥናትና ምርምር ስራን ለማሳደግ፣ በአርቲፊሻል ኢንተለጀንስ መስኮች ብቁ የሰው ኃይል ለማፍራት እና ቴክኖሎጂውን በጋራ ለማልማት ያለመ ነው።

‎የኢንስቲትዩቱ ዋና ዳይሬክተር ወርቁ ጋቸና (ዶ/ር) በኢንስቲትዩቱ እየተሰሩ ስላሉ ስራዎች እና ስለስምምነቱን አስፈላጊነት ገለፃ አድርገዋል። ስምምነቱ በሀገር አቀፍ ደረጃ በአርቲፊሻል ኢንተለጀንስ ዘርፍ በትብብር እየተሰራ ያለውን ስራ የበለጠ ለማጠናከር እንደሚያግዝ ዋና ዳይሬክተሩ አመላክተዋል።

‎የድሬዳዋ ዩኒቨርሲቲ ፕሬዝዳንት ኡባህ አደም (ዶ/ር) በበኩላቸው ስምምነቱ ከኢንስቲትዩቱ ጋር በአጋርነት እንድንሰራ በማስቻል ለዩኒቨርሲቲው ትልቅ አቅም እንደሚፈጥር ገልፀዋል። ፕሬዚዳንቷ አክለውም የኢንስቲትዩቱ እና የዩንቨርሲቲው የዘርፉ ስራዎች አንድ እርምጃ ወደፊት ከፍ እንዲሉ ስምምነቱ ይረዳል ብለዋል።