የድሬደዋ ተወላጅ የሆኑ ዲያስፖራ ምሁራን ባላቸው እውቀትና ልምድ የድሬደዋ ዩኒቨርሲቲን ለመደገፍ መዘጋጀታቸውን አስታወቁ፡፡

የድሬደዋ ተወላጅ የሆኑ ዲያስፖራ ምሁራን ባላቸው እውቀትና ልምድ የድሬደዋ ዩኒቨርሲቲን ለመደገፍ መዘጋጀታቸውን አስታወቁ፡፡

• ወቅታዊ መረጃ
• January 20, 2022

በተለያዩ የአለም አገራት በተለይም በምዕራብ አፍሪካ ለረጅም ዓመት በአይን ቀዶ ጥገና ህክምና ያገለገሉት ፕሮፌሰር ሞገስ ተሾመ እና በኔዘርላንድና በቤልጂየም በሚገኙ ዩኒቨርሲቲዎች በመምህርነት በማገልገል ላይ የሚገኙት ዶ/ር መሀመድአሚን ሁሴን ያካበቱትን ልምድና እውቀት ተጠቅመው የድሬደዋ ዩኒቨርሲቲን በሞያቸው ለመደገፍ መዘጋጀታቸውን ገልፀዋል፡፡

ምሁራኑ በተለይ ዩኒቨርሲቲው በምዕራቡ ዓለም ከሚገኙ ታላላቅ ዩኒቨርሲተዎች ጋር በማስተሳሰር በዚህም የተለያዩ ድጋፎችን እንዲያገኝና የድሬደዋ ዩኒቨርሲቲ መምህራን በእነዚህ ታላላቅ ዩኒቨርሲተዎች የትምህርት እድል የሚያገኙበት ሁኔታን ለማመቻቸትም የበኩላቸውን ጥረት እንደሚያደርጉ ተናግረዋል፡፡

በመጨረሻም  የድሬደዋ ተወላጅ የሆኑት ዲያስፖራ ምሁራን በድሬደዋ ዩኒቨርሲቲ በግንባታ ላይ የሚገኙትን የዘመናዊ ቤተ-መጽሐፍ እና የመካከለኛ ክሊኒክ ግንባታ ተዘዋውረው ጎብኝተዋል፡፡ በዚህ ጊዜም በተለይ ክሊኒኩ በሚፈለገው መልኩ አገልግሎት መስጠት እንዲችል የህክምና ግብዓቶች እንዲሟላለት የበኩላቸውን አንቅስቃሴ እንደሚያደርጉም አስታውቀዋል፡፡