የድሬዳዋ ዩኒቨርሲቲ ለ550 አቅመ ደካማ ተማሪዎች የትምህርት መርጃ ቁሳቁሶች ድጋፍ አደረገ፡፡

የድሬዳዋ ዩኒቨርሲቲ ለ550 አቅመ ደካማ ተማሪዎች የትምህርት መርጃ ቁሳቁሶች ድጋፍ አደረገ፡፡

• ወቅታዊ መረጃ
• September 29, 2025

ዩኒቨርሲቲው የትምህርት መርጃ ቁሳቁሶቹን በ13 የመንግስት ትምህርት ቤቶች ውስጥ ለሚማሩ እና አቅመ ደካማ ተማሪዎች ድጋፍ ያደረገ ሲሆን የተደረገው የትምህርት መርጃ ቁሳቁስ  550 ደርዘን ደብተር ፣ 100 የደብተር መያ ቦርሳዎች እና 100 የደንብ ልብስ (ዩኒፎርም ) ናቸው፡፡

ድጋፉን ለትምህርት ቤቶቹ ያበረከቱት በዩኒቨርሲቲው ምርምር እና ቴክኖሎጂ ሽግግር ም/ፕሬዝዳንት ዶ/ር ተማም አወል ''የድሬዳዋ ዩኒቨርሲቲ በመማር ማስተማር እና ምርምር ዙሪያ ከሚሰራቸው በርካታ ስራዎች ባሻገር አቅመ ድካሞችን ማዕከል ያደረገ የተለያዩ ድጋፎችን እያደረገ እንደሚገኝ የገለፁ ሲሆን መሰል ማህበረሰብ ተኮር የድጋፍ ስራዎችን ቀጣይነት ባለው መልኩ እና ሰፊ የማህበረሰቡን ክፍል ባሳተፈ መልኩ አጠናክረው እንደሚቀጥሉበት ገልፀዋል።

የማኅበረሰብ  አገልግልት ዳይሬክቶሬት ዳይሬክተር የሆኑት ዶ/ር ወንዲፍራው ደጀኔ  በበኩላቸው በትምህርት መርጃ ቁሳቁስ አለመኖር ምክንያት ተማሪዎች ከትምህርት ገበታቸው እንዳይቀሩ ታስቦ የተደረገ ድጋፍ ነው ብለዋል።የድሬዳዋ ዩኒቨርሲቲ በማኅበረሰብ አቀፍ አገልግልት ስራዎች በከተማና በገጠር ለሚገኙ ትምህርት ቤቶች የትምህርት ቤት ህንፃ እድሳት፣ ቤተ-መፅሐፍት የማደረጃት ሥራ እና የትምህርት መርጃ ቁሳቁሶችን በመለገስ የበኩሉን አስተዋፅኦ እያደረገ እንደሚገኝ ተገልጿል።