ፈሳሽ ሳሙና ማምረቻ፣ ዘመናዊ የልብስ ስፌት እና ፋሽን ዲዛይን መስሪያ ማእከላት (Workshop) በዛሬው እለት ተመርቀዋል

ፈሳሽ ሳሙና ማምረቻ፣ ዘመናዊ የልብስ ስፌት እና ፋሽን ዲዛይን መስሪያ ማእከላት (Workshop) በዛሬው እለት ተመርቀዋል

• ወቅታዊ መረጃ
• January 01, 2026

የድሬዳዋ ዩኒቨርሲቲ የቴክኖሎኪ ኢንስቲትዩት የፈሳሽ ሳሙና ማምረቻ እንዲሁም ዘመናዊ ልብሶች የሚሰፉበት እና የዲዛይን ስራ የሚሰራበት መስሪያ ማእከላትን በማደራጀት ዛሬ አስመርቋል፡፡ ማእከላቱ ለዩኒቨርሲቲው፣ ለተለያዩ የጤና ተቋማት፣ የመንግስት መስሪያ ቤቶች፣ ኢኑዱስትሪዎች እና ድርጅቶች የሚያገለግሉ የልብስ፣ የገላ እና የእቃ ማጠቢያ ሳሙናዎች እንዲሁም ደረጃቸውን የጠበቁ አልባሳትን ማምረት የሚችሉ እንደሆነ ተጠቁሟል፡፡

ማእከላቱን መርቀው የከፈቱት የድሬዳዋ ዩኒቨርሲቲ ፕሬዝዳንት ዶ/ር ኡባህ አደም ዩኒቨርሲቲው የተግባር ሳይንስ ዩኒቨርሲቲ እንደመሆኑ መጠን ተቋሙ ያለውን የሰው እና የመሳሪያ አቅም በመጠቀም ለተማሪዎች በተግባር የተደገፈ ትምህርት በመስጠት፣ ቴክኖሎጂዎችን በማበልፀግ እና በማሸጋገር እንዲሁም የማህበረሰቡን ችግር የሚቀርፉ ምርቶችን በማምረት ግንባር ቀደም ሚና ሊወጣ ይገባል ብለዋል፡፡  

የቴክኖሎጂ ኢንቲትዩት ሳይንቲፊክ ዳይሬክተር ዶ/ር ግርማ ቤካ በበኩላቸው ማእከላቱ በኢንስቲትዩቱ መምህራን በዉስጥ አቅም መደራጀታቸውን አስታውሰው ማዕከላቱ ለማህበረሰቡ ሊቀርቡ የሚችሉ ምርቶችን በማምረት ለዩኒቨርሲው ገቢ ማመንጨት የሚችሉ ናቸው ብለዋል፡፡ ዶ/ር ግርማ አክለውም ዛሬ ከተደራጁት ማዕከላት በተጨማሪ የዉስጠ ገቢ ማመንጨት የሚችሉትን ተጨማር ማዕከላትን የሰዉ ሃይል ለማደራጀት ጥናት እየተሰራ መሆኑንጠቁመዋል፡፡